Wedi dod i'r casgliad mai dyma'r ffordd orau o gofnodi'r holl hanas. Fel hyn. Nid adrodd y stori fel stori, ond ei hadrodd am yn ôl, neu am i lawr, neu beth bynnag yw'r ymadrodd cywir. Trychu a dadorchuddio gan amlygu'r holl stori fesul haen. Mae hynny'n digwydd; mae'n ffordd eithaf cyffredin o gael at y gwirionedd, beth bynnag yw'r gwirionedd dan sylw. Ond dyna'r holl bwynt: bod y sylw(edd) dan sylw ac o dan sawl haen o ystyr, ac weithiau o dan haen o sbwriel a rwtsh y mae angen ei symud o'r ffordd cyn amlygu'r ystyr ac adrodd y stori.Mae'r Rhawnbais yn wahanol i unrhyw nofel Gymraeg a luniwyd erioed o'r blaen - yn wahanol, o bosib, i unrhyw nofel mewn unrhyw iaith.Deunydd crai'r nofel yw cyfuniad o ryddiaith, delweddau, deunyddiau hapgael (found materials) wedi'u trefnu drwy amrywiaeth o ddulliau gan gynnwys teipio, llawysgrifen, a collage, gydag elfen o hap a siawns yn rhan anatod o'r broses creu.Mae gofyn i'r darllenwr ddehongli'r deunydd iddo'i hun er mwyn datrys y stori, sy'n dwyn ysbrydoliaeth o ystod o ffynonellau gwasgaredig, o'r creisis Iechyd Meddwl i hanes esblygiad y ddynolryw a Chainc Gyntaf y Mabinogi. Mae hi'n nofel sydd yn ei thro yn dywyll ac yn ddoniol, yn ddifrifol ac yn chwareus, yn ysgytwol ac yn fympwyol; mae'r profiad o'i darllen yn unigryw a byth yn ddim byd ac eithrio'i hun. Mae Jerry Hunter yn un o awduron mwyaf blaenllaw'r iaith Gymraeg yn yr 21g, ac yn sicr yn un o'r mwyaf uchelgeisiol. Ar ôl gorchestion ieithyddol blaengar Ebargofiant (2014) ac An Atheist Christian Gunslinger (2026), mae Y Rhawnbais, a gyhoeddwyd yn flaenorol fel cyfres ar dudalennau O'r Pedwar Gwynt rhwng 2017 a 2025, yn brawf eto o'i statws fel arbrofwr mwyaf ein llenyddiaeth._______________________________Y Rhawnbais ("The Hair-shirt") is unlike any novel in Welsh that has ever been put together before - perhaps unlike any other novel in any langauge.Its raw material is a mix of prose, imagery and found materials and put together through a combination of typing, handwriting and collage, with chance and randomness a deliberate element of the process of its creation.The reader must interpret the material for themselves in order to unpick the story, which draws on a range of diffuse inspirations including the Mental Health crisis, human evolutionary biology and the First Branch of the Mabinogi. At turns dark and funny, serious and playful, powerful and impulsive, reading Y Rhawnbais is a unique experience which is never anything other than itself.Jerry Hunter is one of the most prominent Welsh authors of the twenty-first century, and without a doubt among the most ambitious. Following the playful approach to language seen in Ebargofiant (2014) and An Atheist Christian Gunslinger (2026). Y Rhawnbais, which previously appeared as a series in O'r Pedwar Gwynt between 2017-2025, is proof yet again of his status as the greatest experimenter in our literature. Read more
