Estratto: ...Amalia Vulite nu giurnale?. Aggiate pacienzia, nun ce avevo manco penzato. (s'accosta al canterano e ne riapre un fodero. Cava da quello un giornale) Arravugliatela cca dinto. Nunziata Aspettate. Amalia Mettile cca, v' 'arravoglio io. (Avvolge la stoffa nel giornale e mette il pacchetto sulla tavola). Nunziata Io nun v'abbasto a ringrazia. Comme v'aggia di'. Ve vurria vede' cuntenta. (Amalia tentenna il capo. Un silenzio. Amalia siede accanto a Nunziata, con gli occhi bassi. Nunziata gira e rigira fra le mani il pacchetto). Amalia (all'improvviso) Nunzia?. Si ve cercasse nu favore. Mm' 'o faciarrisseve? Nunziata A me? Amalia Nu favore particulare, Nunzia. (le prende la mano) Nunziata (dubbiosa, paurosa) 'Onn'Ama, nun mme mettite int'a guaie! Vuie 'o ssapite che vita 'e stiente faccio io!. Amalia (senza lasciarle la mano) E nu favore ca mm' 'o putite fa vuie soia!. Nunziata (c. s.) Io che vo pozzo di'?. Amalia (supplichevole) Nunzia, vuie nun mm'avite dicere 'e no! Nunziata Ma che vulite? Amalia Purtatemmela cca! Nunziata (ritraendo la mano) A chi?. Amalia A sta Cristina. Nunziata (levandosi) Uh, Giesu, Giuseppe e Maria! Ma vuie c'avite perduta 'a capa, o che? Ah, sora mia, nun e cosa, aggiate pacienza! Io dint'a sti mbruoglie nun mme ce pozzo mettere!. Essi! Accussi se scatasce 'o fatto, succede nu mbruoglio cchiu peggio, e chi e stata, neh? Nunziata 'a capera. No, no!. Aggiate pacienza, nu' ve pozzo servi!. (Posando il pacchetto della stoffa sulla tavola e piu sottovoce) Chesto e 'o raso in lana. Amalia (a denti stretti) Ah, mannaggia chella iurnata c'aggio ditto chillo si nnanze 'o parrucchiano 'e San Giuvanne a Mmare!. (si leva, furiosa). Nunziata (spaventata) Zi, zi! Embe!. Amalia Ca si nun tenesse 'a catena d'Annetiello a 'o pede, Nunzia, ve faciarria abbede' io che femmena songo!. Nunziata (a mani giunte) Sia fatta 'a vulunta 'e Dio! Amalia (c. s.) E Vito Amante nun mm' 'a faciarria accussi, sotto 'o musso! Traritore, ...
